شبان عرب بدأو يتجهون للزواج من نساء هذه الدولة الأوروبية بسبب العروض المغرية
ترند بوست – متابعات
شبان عرب بدأو يتجهون للزواج من نساء هذه الدولة الأوروبية بسبب العروض المغرية
«بعد تفكير كتير جدًا في حياتي قررت إني أتجوز».. بهذه الكلمات أعلن الرحالة والمغامر المصري أحمد حجاج والملقب بـ«حجاجوفيتش»، عبر صفحته على فيس بوك، عن اعتزامه الزواج، ولكن كانت المفاجأة هو اختياره بأن يكمل حياته مع فتاة من إمارة «أندورا» أصغر دولة في أوروبا.
اختيار مفاجئ فسره الشاب البالغ من العمر 37 عامًا، حيث ظهر في الفيديو رفقة «إليزابيث» بـ «هتجوز واحدة أجنبية من أوروبا عشان خاطر حاجات كتير هنعرفها في الفيديو».
«البيت إيجار ولا تمليك؟»
بدأ «حجاجوفيتش» يطرح على «إليزابيث» عدة أسئلة ليوضح من خلالها سبب اختياره الزواج منها، وكانت البداية بـ«إيه طلباتك في البيت؟»، لتجيبه الفتاة القاطنة بإمارة أندورا الواقعة في جبال البرانس، بأنها ستشاركه في دفع إيجار العقار، حيث لم تشترط بأن يكون تمليك، موضحة: «مش أنت تدفع وأتفرج عليك، عايزة بيت صغير بسيط في الجبل في الطبيعة، أي حاجة نعيش فيها ونكون مرتاحين نفسيًا».
كرر «حجاجوفيتش» المولود بمصر الجديدة، السؤال بصيغة أخرى على «إليزابيث» قائلًا: «مش عايزة بيت 200 متر ويكون على موقع مميز؟»، لتجيبة مؤكدة: «أكيد لأ أهم حاجة السلام النفسي، وإننا نحس بالراحة ونعيش مبسوطين ولو في عشة».
«المهر كام؟»
انتقل «حجاجوفيتش» مع «إليزابيث» إلى سؤال آخر «أبوكي وأمك عايزين مهر قد إيه عشان أتجوزك؟»، وهو ما استنكرته بسؤاله عن أسباب دفع مهر عند الزواج، ليوضح لها بأن هذه مجرد عادات وتقاليد، لتجيبه بـ «أنت ممكن تدفع حب هو ده أغلى حاجة ممكن تقدمهالي، الحب هو مهري».
وأضافت:«الفلوس ممكن تخسرها في ثانية ولكن الحب الحقيقي لا يمكن أنك تخسره خصوصًا لو الاتنين بيحبوا بعض».
«الشبكة دهب ولا ألماس؟»
استكمل «حجاجوفيتش» الذي تخرج في كلية الحاسبات والمعلومات، جامعة عين شمس عام 2007، أسئلته الموجهة لـ«إليزابيث»، عن الزواج وتحديدًا عن «عايزة الشبكة دهب أو خاتم ألماس ولا إيه؟»، لتنفى بدورها حاجتها للماديات موضحة «أنا هبقى سعيدة لو قدمت لي وردة، حتى لو مش هتجيبلي دبلة دهب أو هتجيبلي حاجة مش أصلي كل دي شكليات وأنا مش بهتم بيها».
«الفرح في ماكدونالدز»
واختتم «حجاجوفيتش» الذي سافر إلى أكثر من 137 دولة أسئلته بـ «عايزة الفرح إزاي؟»، لتخبره بأنها ترغب في إقامة حفل زفاف صغير وسط العائلة والأصدقاء.
وتابعت: «عمر ما كان الفرح دليل الحب ده حاجة رسمية مش أكتر، تعالى نعمل فرحنا في ماكدونالدز، ونوفر الفلوس لمشروع أو للولاد لو بقي عندنا، أنا بس محتاجة حب واحترام».
