قال ما يريده كل السوريين.. الفنان مكسيم خليل يقصف بالعيار الثقيل ويشن هجوماً نارياً بعد الزلزال
قال ما يريده كل السوريين.. الفنان مكسيم خليل يقصف بالعيار الثقيل ويشن هجوماً نارياً بعد الزلزال
شارك الفنان السوري، مكسيم خليل، متابعيه منشورا مطولا على موقع “إنستقرام”، دعا من خلاله الفنانين والمؤثرين إلى فضح كل من يقوم بسرقة المساعدات والتبرعات التي تصل إلى سوريا عقب الزلزال المدمر الذي خلف آلاف القتلى والجرحى.
ولفت مكسيم خليل إلى أن المساعدات المخصصة لمتضرري زلزال سوريا تتم سرقتها من قبل أشخاص بينهم شيوخ لصالح أسرهم دون استحقاق أو بيعها.
فضح السراق بالاسم والصورة
وكتب الفنان السوري، منشورا قال فيه:””نداء لأصحاب الضمير، بتقدر تحكي شو شفت وتفضح هدول الأشخاص بالاسم تحت، بالصور المرفقة عينة من رسائل كتيرة عم توصل أنه هلأ وبهذا الوقت المأساوي يلي عم يعيشوه السوريين وبعد مرور كم يوم على واحدة من أكبر الكوارث المصحوبة بعواصف وبرد قاسي.. هالوقت يلي الناس عم تستنى خبر عن أحبابها أو عن لهفة من حدا”.
وتابع:”مع الأسف في ناس عم تسرق و تخبي و تبيع الإعانات ..في منهم شيوخ وفي منهم مخاتير وفي منهم هلال ومنظمات وفي منهم جيش وتجار ..طبعاً البعض لأنه أكيد في ناس عم تشتغل بكل إخلاص، يلي عماحكيه موجود بكل مناطق سوريا بلا استثناء حلب ،اللاذقية ، جبلة ،ادلب ، جنديرس،تحت سيطرة وخارج سيطرة”.
وأضاف مكسيم خليل في منشوره: “مابعرف شو ممكن يقول الواحد ..لأنه أكيد يلي بيعمل هيك وبهيك وقت معدوم الضمير والانسانية و مافي شي ممكن يخليه يفكر باخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا ، هدول الأشخاص يلي عم يستغلو وجع ليحققو ربح..الأمل منهم مقطوع”.
وقال أيضا: “ندائي هو للناس الحقيقية والنضيفة..ندائي هو للمؤثرين والفنانين انهم يساهمو بضبط هدول الأمور ..انتو يلي بتقدرو تفضحو هدول الناس و تحطوهن قدام الإجراءات القانونية المناسبة”.
وختم منشوره قائلا: “برجع بأكد الموضوع ما بشمل الجميع بس الأكيد انه عم يأثر على كل أشكال التبرعات المالية والعينية، يلي ماعنده ضمير مارح يفيق هلا ضميره، بس الأمل بلي عنده ضمير، وأنا رأيي ممكن يكون هون مكان لتحكو شو عميصير و شو شفتو بالاسم”.
“إنستغرام” و”تويتر”..منصات للاستغاثة والبحث عن المفقودين
ولم يتوان الفنان السوري، منذ وقوع الزلزال المدمر في تركيا وسوريا، في جعل حساباته عبر منصات التواصل الاجتماعي، منصات للاستغاثة ونداءات للمساعدة والتبرع والبحث عن المفقودين.
فقد تجند مكسيم خليل على مدى 3 أيام عبر المواقع الاجتماعية “إنستغرام” و”تويتر” لمساعدة المتضررين من الزلزال في سوريا، عبر نشر كل الأخبار عن المفقودين والأشخاص الذين بحاجة إلى مساعدة، ووضع طرق المساعدة والتبرع للراغبين بذلك.
وقام الفنان السوري، عبر منشورات وتغريدات بمشاركة كل المعلومات التي تصل إليه من أسماء أشخاص هم بحاجة إلى مساعدات ومفقودين وطرق تقديم المساعدات.
مكسيم خليل يحول حساباته لمنصات استغاثة لمتضرري الزلزال
وظل مكسيم خليل على إطلاع مستمر بمستجدات تداعيات الزلزال في سوريا وتركيا، حيث حرص باستمرار على طلب المساعدة وتحديد احتياجات أهله في سوريا.
فأعلن في تغريدة على “تويتر” أن السوريين بحاجة إلى معدات ورافعات حتى يستطيعوا إخراج العالقين تحت الأنقاض، وقال “بعض الأشخاص قد يعيشون يومين وثلاثة وأربعة في حال تم إيصال الأوكسجين لهم، وبالمقابل هنالك أبنية يمكن أن تنهار بأي لحظة نتيجة التصدعات التي أصيبت بها”، وطالب بضرورة إيصال المساعدات كي لا يقتل آخر أمل لهؤلاء الناس.
كما حول مكسيم خليل حسابه على “إنستقرام” إلى منصة للبحث عن المفقودين السوريين في سوريا، واللاجئين والمواطنين السوريين المقيمين في تركيا، ووضع منشورا خاصا بـاسم كل مدينة متضررة من الزلزال.
ودعا كل من يمتلك معلومات أو يبحث عن معلومات الدخول على المنشور المخصص للمنطقة، في محاولة منه لتسهيل مهمة اطمئنان الأهالي في سوريا على ذويهم بالمدن التركية المتضررة من الزلزال المدمر،الذي ضرب البلدين فجر الاثنين وخلف أكثر من 12ألف قتيل والآلاف الجرحى والمفقودين.
السوريين بحاجة معدات ورافعات ليقدرو يطالعو الناس من تحت الانقاض..فيه ناس ممكن تعيش يومين وتلاتة و واربعة اذا عميوصلها اوكسجين.في ارواح قادرة تصمد.
في ابنية ممكن تنهار نتيجة التصدعات
في ناس بدها مأوى
في آمال لاتقتلوها .
بأي طريقة وبأي شكل:#اوصلو_المعدات_المساعدات_للشعب_السوري— maxim khalil (@MaximKhalil) February 7, 2023
اهلنا..بحلب وحماه وادلب واللاذقيةوطرطوس وجبلةوعفرين وكل القرى والمدن المحيطة منكوبين ،تحت الانقاض و بالشوارع بالعاصفة والبرد .مساعدة الناس لازم تكون اولية المجتمع الدولي .
تحت سيطرة ..خارج سيطرة مو هاد المهم ،
المهم المساعدات توصل للكل .
.للسوريين.#زلزال #سوريا #انقذو_اهل_سوريا— maxim khalil (@MaximKhalil) February 6, 2023
